Камит Савай "Кыргызым" эссесинен үзүндүлөр..

Кыргыздар балдарын кичинесинен керек болсо “катуу тарбиялашат”. Башка элдер баланын психологиясын бузбай, ашкере тентектик кылса да  катуу айтпаганга, сылык-сыйпа сүйлөгөнгө аракет кылышат. Бизде көпчүлүк ата-энелер биринчи “жөн олтур”,  “жакшы бала болсоң”, “сага качан эс кирет”, же “баланчанын баласындай болбойсунбу” деп урушушат, бул айткандаргаа ээ-жай бербесе, анда  “тилиңди же мойнуңду жулам”, “өпкөңдү же ичегиңди үзөм”, “бооруңду жейм”, “башыңды жарам”, “шашпа сага көрсөтөм” деп коркутушат.