KAMIT SAVAY "Kyrgyz chinovnigi" essesinen....

Кыргыз чиновниги жумуш ордунан жакында бошоорун кантип сезет:

- "Шеф" мурдагыдай кабинетине чакырбай, барса ар кандай шылтоо менен кабыл албай, жардамчысы жакшы сүйлөшпөй калат...

- Кол алдындагы кээ бир "крутой" кызматкерлер саламга келбей, мурункудай кабинетине башпагышпай калышат...

- "Өзгөчө мамлекеттик байланыш телефону" менен эч ким чалбай калат...

- Гезит, теле-интернетте аны шыбаган материалдар жайнай баштайт...

- Эсеп Палатасы, прокуратура шашылып текшерип киришет...

- "Жумушунан кетет экен, ордуна баланча келет экен" деген имиш, миш-миштер көп угула баштайт...

Кыргыз чиновниги жумуш ордунан кетпеш үчүн момундай аракеттерди жасайт:

- Жумуштан кете электе "ооруп" бюллетень алып, же ооруканага жатып алат...

- "Шефке" же анын оң колдоруна,  "шефке" сөзү өтө турган "уяттуу" кишилерге, бир партиядагы авторитеттерге  "жуучуларды" жөнөтөт...

- "Шефтин" аялына, жакын туугандарына байланышка чыкканга аракеттенет...

- Теле-гезит интернетке "срочно" өзүнү мактаган материалдарды жарыялай баштайт...

- Өзүнө жакын кишилерди чогултуп жогору жакка "Коллективден колдоо кат" даярдайт...

Кыргыз чиновнигинин жумуштан кетеердеги арман-ойлору:

- "Шефтен" бир наам же сыйлык сурасанбы...

- Чоң кызматтагылар менен жолукканда өбүшпөй каламбы...

- Тойлордо алдыңкы стөлдөргө отурбай, биринчи тостторду сүйлөбөй, уяттуу устукан, баш-жамбаш тийбей калабы, кээ бирөөлөр чакырбай да калат го...

- Менчик машинелериме өзүмүн чөнтөгүмөн бензин куюп айдаймынбы...

- Чет өлкөлөргө эс алганы мамлекеттин эсебинен барбай каламбы...

- Ак Үй менен Көк Үйгө пропуск менен кирип каламбы...

- Сурабасаң деле эч ким акча алып келбей, кой, жылкы да келбей  калабы...

- Кайсы башка жумушка, "жылуу орунга" сурансам...

- Аттиң, шайлоого чейин иштеп турсам болмок, андан кийин, же "падыша" эмне болот, же "эшек" эмне болоорун бир кудай билет...